Pormal nang pinirmahan ni Presidente Ferdinand “Bongbong” Marcos Jr. an absolute pardon para ki Mary Jane Veloso.
Si Veloso, na naguin biktima nin human trafficking, nakakulong nin labi 14 taon sa Indonesia kun sain siya enot na napatawan nin sentensyang kagadanan bago nasalbar sa tabang kan apela kan dating Presidente Benigno Aquino III ki dating Indonesian President Joko Widodo.
Pagkatapos kan halawig na negosasyon sa pagultanan kan duwang nasyon, matrayumpo siyang ibinalik sa Pilipinas kan Disyembre 2024 asin temporarilyong ibinugtak sa Correctional Institution for Women sa Mandaluyong.
Sa paagi kan itinaong absolute pardon, lubos nang napara an saiyang sentensya na nagtatao saiya nin katalingkasan asin oportunidad na makairiba giraray an saiyang pamilya.
