Naghain nin petition for bail an kampo ni dating House Speaker Martin Romualdez sa Sandiganbayan ngunyan na Lunes, Setyembre 28.
Segun sa report, isinangat kan kampo ni Romualdez an petisyon manungod sa kinakahampang kaining kasong plunder na may koneksyon sa suboot P7.44-bilyon na kickback scheme sa mga flood control asin iba pang government projects.
Nakatalaan na magpuon sa Oktubre 12 an pagdangog sa saiyang petition for bail, kun saen laoman na masunad nin ebidensya an prosekusyon manungod sa kusog kan kasong isinangat laban sa dating House Speaker.
Mantang, magpapadagos man sagkod Nobyembre 12 an bail hearing ni Romualdez, kun saen laoman na masunad an prosekusyon nin nasa 23 testigo, mantang tolo sagkod apat man an ihaharap kan depensa.
Mantang, pupunan man sa Nobyembre 23 an main trial kan kaso. Nasa 73 na testigo an nakatalaan na ihampang kan prosekusyon, mantang nasa 40 man an laoman na ihahahampang kan depensa.
Kan Setyembre 16, nagsumiter si Romualdez nin plea na not guilty sa kasong plunder sa Sandiganbayan.
