Inot nang pinunan kan Department of Social Welfare and Development (DSWD) an pagpapatupad nin mga lakdang tanganing atubangon an posibleng epekto kan Super El Niño, na nakasentro sa akses sa tubig asin seguridad sa pagkakan para sa mga bulnerableng komunidad.
Pangenot sa mga programa kan ahensya iyo an Project LAWA (Local Adaptation to Water Access) asin BINHI (Breaking Insufficiency through Nutritious Harvest for the Impoverished).
Sa irarom kan Project LAWA, nakapagtugdok na an DSWD nin 5,311 na site na igwa nin farm reservoir, irrigation facility, asin rehabilitated waterways.
Dugang pa, umabot na sa 8,671 na BINHI site an naitugdok sa bilog na nasyon, kaiba an mga communal vegetable garden asin root crop farm.
An mga inisyatibang ini nagtutuyo na ihanda an mga bulnerableng sektor, arog kan mga tios na komunidad, bago pa man magtama an kalamidad.
Para sa seguridad sa pagkakan, mahigot na binabantayan kan DSWD an temperatura sa saindang mga food warehouse tanganing dai mararaot an mga family food pack sa tahaw kan halangkaw na init.
Nagkakabit man an ahensya nin mga industrial ceiling fan tanganing mapagdanay an tamang temperatura sa mga ini.
