Inusisa ni Senador-huwes Bam Aquino kun tano ta pigkokonsiderar na mayong ‘economic justification’ an transaksyon na naglaog nin ginatos na milyon na piso sa account kan Cale88 Foods Corp.
Naromdoman na dati nang idinugang kan Anti-Money Laundering Council (AMLC) na mayong ‘underlying legal or trade obligation, purpose, or economic justification’ an mga transaksyon na may koneksyon sa nasabing korporasyon, sa tahaw kan ₱319.33 million na inward remittances hale sa China asin Hong Kong.
Ipinaliwanag ni Security Bank Branch Banking Group Head Leslie Cham na nagigin ‘suspicious’ o mayong ‘economic justification’ an sarong bank o financial transaction kun mayo ini nin kaibang proof o source of income o kun saen nagpuon an nasabing pondo.
Sa siring na sistema, pigkokonsiderar na kan mga bangko na kahina-hinala an mga bank transaction na dai nakakapagpahiling nin siring na dokumento.
Dawa ngani dai kaini direktang sinambit an ₱319.33-M transaction sa Cale88, an siring na sistema sinusunod sa gabos na banko sa bilog na nasyon (bank requirement), arog kan mga bankong may koneksyon sa Cale88.
