Posibleng mahali na an State of Calamity sa ciudad nin Naga sa katapusan kan semana o sa masunod na semana huli sa padagos na pagbaba kan kaso nin dengue.
Sa intrevista kan Bombo Radyo Naga kay Naga City Mayor Leni Robredo, sinabi kaini pendiente pa an kumpletong datos kan deviant week, alagad naglalaom an mga opisyal na hahaleon an deklarasyon enkaso magpapadagos an pagbaba kan kaso.
Base sa presentasyon kan alkalde, mas hababa an mga reported cases kumpara kan nakaaging semana, asin mas hababa na ngonian sa lebel kan panahon nin pandemya. An mga kaso pinakahalangkaw sa Semana 35-36, bago magbaba sa Semana 37-38.
Alagad nanindugan an alkalde, importanteng bantayan an mga lugar na may clustering of cases, partikular na sa mga barangay na dati pigkokonsiderar na dengue hotspots, arog kan Carolina asin Concepcion Grande. An mga lugar na may padagos na pag-iriba-iba mangangaipo nin mas nakatutok na pagbantay asin maninigong aksyon.
Pig-eksplikar man kaini na importanteng kumpirmaron an resulta kan NS1 test para sa opisyal na datos, tanganing maseguro na tama an pagkarekord kan mga kaso.
Sa ibong kan pagbaba kan kaso, padagos man giraray na pigbabantayan an mga pasyenteng naka confine sa ospital. Hagad kan alkalde na konsultahon nguna an mga doktor asin eksperto bago magdesisyon sa paghale kan State of Calamity.
An pinal na desisyon nakadepende sa kumpletong datos asin padagos na pagbaba kan kaso nin dengue sa ciudad.
