Nagbuburukad na an mga burak sa Pacol Naga City, na nakikinabang sa panahon kan El Niño, mantang padagos an pagpreparar para sa “Flores de Oktuber” festival.
Sa intrevesta kan Bombo Radyo Naga ki Diosdado Ador Jr., Presidente kan Pacol Cut-Flower Planters Association.Kinumpirma kaini na an ika-duwang Flower Festival, na nakatalaan sa Oktubre bente otso, aktibong pinagprepararan kan mga lokal na parauma nin burak.
Sinabi man ni Ador Jr. na nakikipagkoordinar na sinda sa Lokal na Gobyerno para sa mga parking area para sa mga bisita, orog na idtong hali sa luwas kan Naga City.
Katuyuhan kaini na ma-akomodar an inaasahang dakul na madalaw sa festival.
Dugang pa, hinimok niya an publiko na mag-reserba na nin burak nin amay para sa maabot na Undas.
Sinigurado niya na igwa sindang supisyenteng suplay nin burak tanganing masabat an pangangaipo.
