Kinuwestiyon ni Senador Robin Padilla an kredibilidad kan expert witness na si Atty. Alex Cabrera sa sarong pagdangog, huli sa saiyang koneksyon sa mga isyu pinansyal kan MFT Group of Companies.
Ibinangon ni Padilla an dating papel ni Cabrera bilang chairman kan Isla Lipana & Company, na nag-audit sa MFT Group, sarong kumpanyang imbwelto sa umano’y P5-Bilyon na tumalbog na tseke na nakadanyar sa mga Overseas Filipino Worker (OFW).
Alagad, pinanindugan ni House prosecutor Representative Chel Diokno an saiyang pagtitiwala ki Cabrera, na lininaw na, sa saiyang pagkasabot, dai imbwelto si Cabrera sa kaso kan MFT Group.
Lininaw man ni Cabrera na siya an chairman kan Isla Lipana poon 2018 sagkod 2021, asin mayo man nin kasong kinakaharap an kumpanya sa panahon na idto.
Idinugang ni Diokno na an kliyente kan Isla Lipana iyo an parent company kan MFT Group, asin bako an subsidiary na nagkaigwa nin problema.
Sa ibong kan padagos na paghapot ni Padilla, inotro ni Diokno an saiyang bilog na pagtitiwala sa ekspertong si Cabrera, na nagtutubod sa saiyang integridad.
