Nagpaluwas nin orden an Sandiganbayan Fifth Division para sa dugang na 90-aldaw na preventive suspension ki Senator Jinggoy Estrada mantang ini nag-aatubang sa kasong plunder huli sa sinasabing anomalya sa mga proyekto nin flood control.
An nasabing kautusan pirmado ni Associate Justice Zaldy Trespeses, kasunod kan pagtapos kan enot na suspensiyon na ipinagbuot kan Sandiganbayan Second Division kan Hunyo.
Inaatasan man kaini na dapat tawan nin kopya an Office of the Senate President manungod sa nasabing kasuguan.
Idinugang pa na naresolbar na ninda an gabos na mosyon na nagkukuwestiyon sa balidad kan impormasyon kan kaso na igwa nin pormal na akusasyon laban ki Estrada.
Nag-aatubang si Estrada sa kasong graft kun sain ini awtomatikong nagpapataw nin 90-aldaw na suspensiyon laban sa opisyal.
