Nasilayan giraray kan publiko si Papa Leo XIV ngunyan na Linggo, Oktubre 18, sa St. Peter’s Square sa Vatican City, kasunod kan saiyang matrayumpong operasyon sa lung cancer kan nakaaging Martes.
Ini an pinakaenot na signipikanteng pagluwas kan Santo Papa sa publiko poon kan siya makaluwas sa Gemelli hospital kan Rome kan nakaaging Sabado.
Nagpasalamat man si Papa Leo XIV sa gabos na nagpamibi para sa saiyang marhay na kamugtakan asin ibinahagi man niya an saiyang pagbalik sa mga responsibilidad bilang Santo Papa.
Dugang pa digdi, kinlaro man kan doktor ni Papa Leo XIV na “fit to travel” an Santo Papa para sa saiyang nakatalaan na papal voyage sa Nobyembre 6-17 sa Uruguay, Argentina, asin Peru — mga nasyon kun sain nagserbi si Papa Leo XIV bilang sarong misyonero sa laog nin duwang dekada.
