Nagpatanid an China na babawalan ninda an paglaog kan mas dakol pang opisyal kan Pilipinas sa saindang teritoryo kun opisyal na ideklarang persona non grata si Chinese Ambassador Jing Quan.
Segun sa Embahada kan China sa Maynila, dai na man ninda aakoon sa saindang nasyon an mga national leaders kun ipapautob an panawagan na pahaliopn an saindang Ambasador.
Hinamon man kan embahada an mga mambabatas na tulos na isagibo an nasabing lakdang, mantang sinasabi na sawa na sinda sa inaapod nindang banta kan mga anti-China na grupo.
An bagong banta na ini kasunod kan naenot nang sanction kan Beijing, kun sain pormal na nindang pinagbawalan maglaog sa China sina Defense Secretary Gilberto Teodoro Jr. asin Labor Secretary Francis Tolentino.
Pigtawan-doon kan Department of Foreign Affairs (DFA) na dawa karapatan kan China an magpataw nin sanksyon, an mga arog kaining lakdang sarong “unfriendly act”.
Ini an lalo sanang nagpapalala sa tensyon kan duwang nasyon.
Sa ibong kan nagtitios na hidwaan sa West Philippine Sea, nangapudan pa man giraray an embahada na pilion an diyalogo imbes na magin arena nin geopolitical confrontation.
