Nagpaplano an Department of Agriculture (DA) na magpautob nin 60-aldaw na pagpundo sa pagtao nin Sanitary and Phytosanitary Import Clearances (SPSICs) para sa nagkapirang klase nin imported na karneng orig.
Ini an pahayag ni Agriculture Secretary Francisco Tiu Laurel Jr. matapos an saindang imbestigasyon na nagpapahiling nin paglangkaw kan imported na karneng orig na posibleng makaraot sa lokal na mga paratubo.
An posibleng pagpundo kan SPSIC magkakaigwa nin epekto sa mga partikular na hiwa kan karneng orig arog kan “liempo, kasim, and pigue.”
An DA nagdesisyon na igwa nin “prima facie evidence” na nagpapatunay sa paglangkaw kan imports na nagkakawsa o nagbabanta nin grabeng danyos sa lokal na industriya.
Sakop kan imbestigasyon an presko, pinalipot, asin frozen na karneng orig, kaiba an offals asin fats.
Sa ibong kaini, igwa an nasyon nin suplay nin karneng orig na pwedeng maghaloy nin 170 aldaw, kaya dai man linalaoman na maglangkaw an presyo kaini bago mag-Pasko.
