Asahan an paglangkaw kan presyo nin diesel asin kerosene mantang posible man an pagbaba kan presyo nin gasolina sa masunod na semana.
Segun sa advisory na ipinaluwas kan mga oil industry sources hale sa apat na aldaw na trading sa world market, posibleng maglangkaw an presyo kan diesel nin P2 sagkod P2.50 kada litro, asin P1 sagkod P1.50 man an kada litro kan kerosene.
Mantang, magkakaigwa man nin rollback na P1 sagkod P1.50 per liter sa gasolina.
Segun pa sa oil industry sources, kabali sa nagkapirang rason kan paglangkaw kan presyo nin produktong petrolyo an nagtitios na mga pag-atake kan grupo nin mga Houthi sa imprastraktura kan Saudi Arabia, siring man sa mga barko sa Gulf, na nagigin kawsa kan pagkaantala kan suplay nin krudo pasiring sa merkado.
Nakatakdang ipaluwas kan Department of Energy sa Lunes, October 26 an pinal na anunsyo manungod sa pagbabago kan produktong petrolyo, asin asahan na ipapautob ini kan mga kumpanya nin krudo sa masunod na aldaw.
