Pinangenotan ni Luka Doncic an Los Angeles Lakers sa kapangganahan na 132-123 kontra sa Utah Jazz kan Domingo, matapos magrekord nin 52 puntos, kaiba na an walong three-points.
Nagtala si Doncic nin 10 assists asin 7 rebounds, mantang nag-ambag si Austin Reaves nin 29 puntos tanganing tabangan an Lakers na makua an saindang kapangganahan kontra sa Utah.
Sa ikaapat na quarter, nagpbutas si Doncic nin duwang sunod-sunod na three-pointer tanganing tawan an Lakers nin kalamangan na 127-121.
Nanginot man si Lauri Markkanen sa Jazz na may 28 puntos, mantang nag-ambag si Keyonte George nin 24 puntos, 9 rebounds, asin 10 assists. Alagad, dai napreserbar kan Utah an saindang 18-puntos na kalamangan sa ikaduwang quarter.
Huli sa kapangganahan na ini, nag-angat sa 3-0 an rekord kan Lakers sa pagpoon kan season. Sunod nindang makakahampang an Portland Trail Blazers sa Martes sa saindang home court.
