Eala, nakalaog sa ikaduwang round kan Toray Pan Pacific Tennis Open

Matrayumpong nakalaog sa ikaduwang round an Pinay tennis star na si Alex Eala, kan Toray Pan Pacific Tennis Open.

Ini an nangyari matapos niyang daogon si Mika Stojsavljevic sa iskor na 6-1, 6-2.

Husto an dominasyon ni Eala sa bilog na laban, na tinapos niya sa laog sana nin sarong oras asin 15 minutos.

Ipinahiling niya an saiyang husay asin pokus sa kada punto kan laban.

Maski naghingoa an British tennis player, naging matindi an kada palo ni Eala sa bola.

Sunod niyang makakahampang si Talia Gibson kan Australia, na nasa world rank 38.