Ipapairarom giraray sa yellow asin red alert an Visayas grid susog sa abiso na ipinaluwas kan National Grid Corporation of the Philippines ngunyan na Miyerkules, October 28.
Makakaeksperyensya nin red alert an Visayas grid ngunyan na alas-singko nin hapon sagkod alas-sais nin banggi. Mantang yellow alert man ngunyan na alas-dos nin hapon sagkod alas-singko nin hapon, asin alas-sais nin banggi sagkod alas-otso nin banggi.
Susog sa NGCP, igwang 10 planta nin kuryente an nasa forced outage o pirit na dai nagana ngunyan na bulan nin Oktubre. Mantang, igwa man nin iba pang mga planta na haloy nang dai nagana.
Saro sa mga rason na nakakakontribwir sa red asin yellow alert kan NGCP iyo an limitadong power imports hali sa Mindanao asin unavailability kan darakulang coal plants sa Visayas arog kan TVI 1, TVI 2, asin KSPC 1.
