Nangapudan an Houthi rebels nin tulos na pag-ebakwar kan mga tawo hale sa international airport kan Aden, Yemen, kun sain nakabase an pigbibistong gobyerno kan nasyon na suportado kan Saudi Arabia.
Segun ki Houthi spokesperson Yahya Saree, ginibo an patanid huli sa sinasabing presensya nin sarong Saudi military cargo aircraft na may kargang mga armas.
Mayo pa nin tulos na pahayag an mga awtoridad kan Saudi Arabia manungod digdi.
Nagkapirang pagsabog an nadangog sa Aden bago ipinaluwas an patanid, segun sa mga residente.
Advertisement
Pauro-utro nang pigta-target kan Houthis, na nagkokontrol sa kapitolyo kan Sanaa sa norte kan Yemen, an paliparan na sarong importanteng agihan kan mga biyahero asin humanitarian aid sa sur na parte kan nasyon.
Advertisement
