Dinugangan kan Philippine National Police (PNP) an bilang kan mga pulis na saindang idistribwir para sa pag-obserbar kan All Saints’ Day asin All Souls’ Day sa Nobyembre 1 asin 2.
Sinabi ni PCol. Allen Rae Co, hepe kan Public Information Office (PIO) kan PNP, na igwa nang 73,034 na bilang an saindang itatalaga.
Ini mas halangkaw sa naenot na bilang na igwang 72,501.
Dugang pa kaini, padagos an saindang ginigibong assessment kun saen posibleng sa mga masunod na aldaw madugangan pa an mga ini.
An nasambit na bilang bukod pa sa nagkapirang ahensya arog kan Philippine Coast Guard, Armed Forces of the Philippines asin nagkapirang inaapod nindang force multipliers.
Mientrastanto, ipapautob na an full alert status sa bilog na nasyon poon Oktubre 30 sagkod Nobyembre 2.
