Pigtawan-duon ni dating Integrated Bar of the Philippines (IBP) president Atty. Egon Cayosa na an mga ahensya nin pagpapatupad kan ley, asin bakong an korte, an igwa nin kakayahan na magdeterminar kun an sarong wanted person armado asin peligroso.
Ini kasunod kan pagpaluwas nin P50-milyong pabuya para sa pagkadakop ni Senador Ronald “Bato” Dela Rosa.
Segun ki Cayosa, an Philippine National Police (PNP) igwa nin kakayahan na magtipon nin intelligence information manungod sa sarong wanted person asin sa saiyang kinamumugtakan, bakong arog kan korte na mayo nin siring na operational capacity.
Naenot nang nag-apela sa Supreme Court an mga abogado ni Dela Rosa na magpaluwas nin temporary restraining order (TRO) tanganing pugulan an pag-aresto sa senador, an pagpautob kan P50-milyong pabuya, asin an pagdesignar saiya bilang “armed and dangerous.”
Igwa nin nakabinbing arrest warrant laban ki Dela Rosa hale sa International Criminal Court (ICC).
Pig-enakminar man ni Cayosa an Korte Suprema na tulos na resolberan an petisyon kan senador.
Alagad, sinabi niya na sagkod na mayo pang ipinapaluwas na TRO, pwedeng magpadagos an pagpautob kan arrest warrant asin an pagtao nin pabuya para sa impormasyon na makakadakop saiya.
