Nagdistribwir an Department of Social Welfare and Development (DSWD) nin mga ready-to-eat food boxes asin inomon na tubig kan hapon kan Biyernes, Oktubre 30, pagkatapos na maitala kan aga an sarong moderately explosive eruption sa Bulkang Mayon.
Naihanda kan ahensya an 417,886 family food packs (FFPs), 14,137 ready-to-eat food (RTEF) boxes, asin 28,366 packs nin non-food items (NFIs) tulios pagkatapos kan pagputok kan bulkan, segun sa pahayag kan ahensya.
Ini man an kasunod kan ipagboot kan lokal na gobyerno kan Camalig, Malilipot, asin Tabaco City sa Albay an mandatory evacuation para sa mga pamilyang nasa laog kan six-kilometer Permanent Danger Zone (PDZ) asin paglangkaw kan Alert Level 3 sa nasabing bulkan.
Dugang pa digdi, iniatubang na man kan ahensya an SWAD Team asin Disaster Response Management Division kaini na magkondusir nin profiling sa mga nagbakwit huli sa pag-alburuto kan bulkan.
Suspendido na man an klase sa mga apektadong lugar.
