Pinanindugan ni Presidente Ferdinand R. Marcos Jr. na kukumpletuhon an programa sa pagwaras nin daga sa irarom kan agrarian reform bago matapos an saiyang termino sa 2028 tanganing masigurado an sadiring daga kan mga parauma.
Sa saiyang pagbisita sa Jaro, Leyte, kaiba si Agrarian Reform Secretary Conrado Estrella III, personal na nag-atender an Presidente sa pagwaras nin 536 electronic land titles sa 508 na benepisyaryo hale sa manlaen-laen na probinsya kan Leyte asin Samar.
An mga titulo nabilog sa irarom kan SPLIT Project kan DAR asin sakop an kabilugan na 670.5 ektarya nin daga agrikultural susog ki DAR-8 Director Atty. Robert Anthony Yu.
Pinagduonan kan Presidente an kasaysayan kan programa na pinunan pa kan saiyang ama na si Presidente Ferdinand E. Marcos Sr. asin kan dating kalihim na si Conrado Estrella.
