Trese (13) indibidwal an inaresto sa sarong joint anti-POGO operation kan Philippine National Police (PNP) asin Presidential Anti-Organized Crime Commission (PAOCC) sa Iligan City kan Oktubre 29, 2026.
Nasamsam man an mga gaming equipment na nagkakahalaga nin tinatayang P12 milyon.
Isinagibo an operasyon sa sarong kumpanya na nagpapanggap na Information Technology Service Provider alagad imbuelto sa ilegal na offshore gaming activities sa Barangay Hinapolan, Iligan City.
Kaiba sa mga inaresto an duwang manager asin 11 online dealer.
Nakumpiska man an mga computer, monitor, camera, tablet, gaming table asin iba pang kagamitan na ginagamit sa operasyon.
Nasa kustodiya na kan Police Station 1 kan Iligan City Police Office an mga suspek para sa kaukulang dokumentasyon asin legal na proseso.
Mantang, pinaghahanap pa an rehistradong may-ari kan kumpanya.
Isinagibo an operasyon sa koordinasyon kan iba-ibang yunit kan PNP, National Bureau of Investigation (NBI)-Iligan asin PAOCC bilang parte kan pinaigting na kampanya kan gobyerno kontra sa ilegal na POGO asin online gambling operations.
