Nagpoon nang magbalik sa Metro Manila an ribong-ribong byahero matapos nindang gunitahon an Undas sa saindang mga probinsya.
Base sa pinakahuring report kan National Capital Region Police Office o NCRPO, naglangkaw na sa labi 3,000 an bilang kan mga pasahero sa mga bus terminal sa Kalakhang Maynila, na pighuhuna pang madugangan sa masunod na mga oras asin aldaw.
Segun ki Emelito Dua, Terminal Master, “marami na umanong nagsibalikang pasahero at punuan na ang mga bus mula sa iba’t ibang ruta gaya ng Batangas, Pangasinan, at iba pang kalapit na probinsya.”
Siring man an pahayag ni Bryan Amorato, Terminal Manager. Aniya, “maaari pa itong tumagal hanggang bukas at sa mga susunod na araw bunsod ng pagtatapos ng Undas.”
Dugang pa ni Amorato, kabaliktaran ini kan sitwasyon kan mga nag-uuwi hale sa Metro Manila pasiring probinsya.
Mantang, nakapanayam man kan Bombo Radyo an nagkapirang byahero, kaiba si Liza Riva na pauwi sa Batangas, asin segun saiya, “naging matiwasay ang selebrasyon ng Undas dito sa Metro Manila dahil umano sa kakaunting tao at maayos na patakaran at alintuntunin sa mga sementeryo.”
Poon bukas, pighuhuna nang magbalik sa regular na operasyon an mga pangenot na sementeryo sa nasyon, kaiba an Manila North Cemetery asin Manila South Cemetery.
