An Commission on Human Rights (CHR) nag-apela sa gobyerno asin sa gabos na sektor kaini na mas pakusugon an pagtao nin halaga asin pagprotekta sa mga aki, kasabay kan pagselebrar kan National Children’s Month ngunyan na Nobyembre.
Segun pa sa CHR, kaipuhan seguraduhon na maprotektahan an mga aki sa paagi kan pagigin andam bago, durante, asin pagkatapos kan mga kalamidad o emergency.
Idinugang man kan komisyon na an pag-ataman sa mga aki dapat na inklusibo, na mayo nin maiiwan, orog na an mga aki na may kapansanan.
An apela ngunyan na taon igwa nin tema na “Stand Up! Respond and Care: With Prepared Children, the Nation Is Safer,” kun saen nakapailarom man an pagtao nin prayoridad sa kaligtasan kan mga aki sa manlaen-laen na kalamidad arog kan bagyo, baha, linog, asin armadong iriwal.
Nag-apela man an komisyon na mahalaga an pusog na pagprotekta sa mga aki kontra sa online sexual abuse asin exploitation.
