Nagadan apat na sibilyan, kaiba an sarong duwang-bulan na umboy, an sa sarong pag-atake sa military base sa Planadas, southern Colombia kan nakaaging Domingo.
An pag-atake, na ginibo kan mga drug gang asin rebel groups, naggamit nin improvised rocket na gibo sa gas cylinders.
Naapektaran man an sarong haraning ospital asin mga harong, kaya ipinagboot kan alkalde na gamiton an sarong eskwelahan bilang temporaryong pasilidad kan ospital.
Kinondenar ni Colombian President Abelardo de la Espriella an insidente asin ipinanuga na gagamiton an bilog na pwersa kan estado laban sa mga kriminal na istrukturang ini.
“We will use the full capacity of the state to finish off these criminal structures,” an pahayag ni President de la Espriella.
Segun ki Human Right Ombudswoman Iris Marin, an mga grupong rebelde na ini haloy nang nakikipagsagupaan sa estado para sa kontrol kan Planadas puon pa kan 2022.
Dawa nagkaigwa nin kasunduan sa katuninungan kan 2016 na nagpababa kan karahasan, naglangkaw giraray ini kasunod kan kampanya kan militar laban sa ilegal na pagmina nin bulawan, orog na sa Planadas.
