Sinasairarom na sa forensic examination an mga abo na isinuko sa pulisya kan mga pet owner na sinasabing nagin biktima kan kontrobersiya sa sarong pet crematorium sa Bacoor City, Cavite.
Katuyuhan kan pagsusuri na maaraman kun an mga abo na ipinagkatiwala sa nasabing pasilidad para sa cremation service iyo an tunay na hale sa saindang mga alagang ayam asin ikos.
Segun ki Philippine National Police Spokesperson Colonel Allen Rae Co, an mga abo na isinusuko sa sainda kan mga complainant ipinadara na sa forensic group kan Cavite para sa pagsusuri.
Mantang, posibleng estafa an magin basehan kan mga kasong isasampa manungod sa nasabing kontrobersiya.
Segun ki Co, padagos pang inaaram kan mga awtoridad kun igwa pa nin ibang kaso na pwedeng isampa laban sa may-kagsadiri kan pet crematorium.
Nakikipag-ugnayan na man an hepe kan pulisya sa Bacoor sa may-ari kan pasilidad, na pwedeng magtao kan saiyang panig sa nasabing usapin.
Alagad, iginiit ni Co na magpapadagos an imbestigasyon ano man an magin desisyon kan may-kagsadiri kun makikipagtabangan ini sa mga awtoridad o bako.
Narumdoman na nadiskubre an mga bangkay kan mga ayam asin ikos sa sarong bakanteng lote sa San Jose del Monte City, Bulacan, na sinasabing itinapon imbes na isairarom sa cremation service.
Padagos man na iniimbestigaran kan mga awtoridad an insidente tanganing maaraman an posibleng pananagutan kan mga imbuelto asin maisampa an mga maninigong kaso.
