Kinumpirmar kan Office of the Vice President (OVP) na mabyahe si Bise Presidente Sara Duterte sa Hong Kong poon Nobyembre 6 sagkod 8, 2026.
Sa sarong opisyal na pahayag na ipinaluwas ngonian na Biyernes, Nobyembre 6, sinabi kan OVP na matukaw an Bise Presidente sa pirang aktibidad sa Hong Kong, kabali an sarong event na inorganisar kan Filipino Community (FilCom).
Segun sa opisina, nakakua na si Duterte nin permiso poon sa Regional Trial Court (RTC) kan Quezon City, Branch 98, sa paagi kan sarong orden na may petsang Nobyembre 3.
Igwa man siya nin maninigong travel authority poon sa Office of the President.
Piglinaw man kan OVP na personal na pondo ni Duterte an gagamiton sa saiyang byahe asin mayo nin ano man na pondo, kagamitan o pasilidad kan gobyerno an gagamiton dapit digdi.
Dai man nagtao nin dugang na detalye an opisina manungod sa iba pang aktibidad kan Bise Presidente sa Hong Kong.
Marurumdumon na nakatalaan na magpadagos sa Nobyembre 9 an impeachment proceedings kontra ki Duterte, kun sain linalaoman na sisimulan na kan saiyang kampo an pagpresentar nin mga testigo asin ebidensya bilang parte kan depensa.
