Inaprobaran kan Land Transportation Franchising and Regulatory Board (LTFRB) an sarong special permit para sa 20 dugang na bus na magsisirbing alternatibong transportasyon para sa mga pasahero kan LRT-2.
Sa irarom kan programa, sampulong bus an biyahehan hale sa Antipolo City pasiring Legarda, Manila, mantang sampulo man an magsisirbi sa ruta hale sa Antipolo pasiring Cubao, Quezon City.
Kalahati kan mga bus an ilalaag sa serbisyo hale sa LRT-2 Antipolo Station sa Masinag tanganing maibsan an halabang pila asin pagsisikip kan mga pasahero, orog na kun rush hour.
Segun sa LTFRB, katuyuhan kan programa na maparikas asin mapagayon an biyahe kan mga commuter, siring man na mabawasan an dugang na gastos sa pamasahe huli sa mas direktang access sa pangenot na destinasyon.
