Nag-apela si US President Donald Trump tanganing ipawalang-bisa an hatol saiya sa kasong “hush money” na may koneksyon sa $130,000 na ibinayad sa aktres na si Stormy Daniels.
Sa pagdangog kan nakaaging Huwebes, hinapot kan mga mahistrado an mga abogado ni Trump asin an mga piskal manungod sa legal na basehan kan saiyang apela, kaiba an paggamit kan ley sa pondo kan kampanya asin an isyu kan presidential immunity.
Kan 2024, napatunayan na nagkasala si Trump sa 34 na bilang kan pagpeke nin mga rekord nin negosyo konektado sa nasabing bayad, na suboot ginibo tanganing dai luminuwas an impormasyon manungod saiya bago an 2016 presidential election, alagad pinasikatan man ni Trump an mga akusasyon saiya.
Dai nag-atendir si Trump sa nasabing pagdangog. Sa ngunyan, mayo pa nin desisyon an korte kun pagbibigyan an saiyang apela o kun nuarin ini magdedesisyon.
