Ipinahayag kan US na magtatao ini nin pabuya na nagkakantidad nin $20 milyon para sa anuman na impormasyon na makakapagtukdo kan lugar kun sain ginigibo kan Iran an saindang nuclear.
Kaiba man sa alok kan Rewards for Justice kan US State Department an pagbalyo nin istaran kan mga tawong makakapagtukdo.
An nasabing lakdang iyo an kasunod kan naenot na pahayag ni US President Donald Trump na tulos na ninda nadistruso an nuclear facility kan Iran.
Huli kaini, nagbilog an US Central Command nin Task Force Iron Gate na mag-ooperate sa Tampa, Florida.
Nagtutubod man an US Central Command na an saindang ginibong naval blockade iyo an nakapugol sa pagprobar kan Iran na makalusot nin mga sangkap para sa paggibo nin nuclear weapons.
Paliwanag kan US Central Command na nag-alok sinda nin pabuya huli dai nagsunod an Iran sa mga alituntunin na ipinapautob kan International Atomic Energy Agency (IAEA).
