Pigtawan-duon an kan mga lider kan Kamara an pangangaipong manteniron asin pakusugon an party-list system sa paagi kan mga reporma tanganing masiguro an tunay na representasyon kan mga sektor na marginalized asin kulang sa boses sa Kongreso.
Segun ki Lanao del Sur Rep. Zia Alonto Adiong, dai dapat pag-ulayan an pagbungkag sa party-list system huli ta malinaw na nakasurat sa Konstitusyon an katuyuhan kaini na matawan nin representasyon an manlain-lain na sektor kan sosyedad.
Sinabi man ni Tingog Party-list Rep. Jude Acidre na katuyuhan kan House Bill 9906 na magkaag nin malinaw na pamantayan tanganing maaraman kun tunay na pigrerepresentar kan sarong party-list organization an sektor na saindang piglalabanan.
Sa irarom kan panukala, babangahon sa tulong kategorya an mga party-list organization arog kan advocacy, sectoral asin regional.
Segun man ki ACT-Teachers Party-list Rep. Antonio Tinio, magkaag man an panukala nin mga kwalipikasyon para sa mga indibidwal na gustong magrepresentar sa sarong partikular na sektor, kabali an saindang eksperyensya asin mga nagibo para digdi.
Mantang, sinabi ni 4Ps Party-list Rep. JC Abalos na importante an mga pampublikong konsultasyon tanganing maaraman an mga problema sa presenteng sistema asin makagibo nin angkop na reporma.
Nagsagibo na nin enot na konsultasyon sa Butuan City asin nakatalaan pang magsagibo nin kaagid na pagtiripon sa Iloilo City asin Metro Manila tanganing makua an pananaw kan iba pang sektor.
Kabali an reporma sa party-list system sa mga prayoridad na panukalang ley kan Legislative-Executive Development Advisory Council (LEDAC).
