Dineport na kan Bureau of Immigration (BI) an enot na batch nin 115 Chinese nationals na nadakop huli sa ilegal na POGO activities.
An mga ini nadakop sa malawakang operasyon kontra ilegal na POGO sa Zamboanga Sibugay asin Quezon City kan Oktubre 2026.
Sa kabilugan, 62 an nadakop sa Zamboanga Sibugay asin 53 sa Quezon City, na binibilog nin 107 lalaki asin walong babae.
An deportation isinagibo matapos magpaluwas an BI Board of Commissioners nin Summary Deportation Orders.
Isinakay an mga deportee sa sarong chartered aircraft na itinao kan Chinese Embassy.
Kaiba sa mga dineport an sarong pugante na nadakop sa Zamboanga Sibugay, na pinaghahanap kan mga awtoridad kan China huli sa kasong may koneksyon sa pagtago nin kinita hali sa ilegal na aktibidad.
