Muling pinagkuwestiyon ni Vice President Sara Duterte an suhestiyon kan gobyerno na paggamit nin mga balde bilang pagpreparar sa posibleng epekto kan El Niño phenomenon.
Idinugang niya na bakong supisyente an pagpreparar nin mga balde, orog na kun magresulta sa grabeng tagtuyot an inaasahang epekto kan El Niño.
Imbes, dapat tutukan kan gobyerno an mas mahiwas na pagpreparar, partikular an pagseguro nin supisyenteng suplay nin pagkakan sa panahon nin posibleng kakulangan sa tubig.
An panawagan na ini kasunod kan mga patanid kan mga eksperto na an El Niño pwedeng magresulta sa grabeng tagtuyot, na pwedeng magpamara sa mga gikanan nin tubig.
Giit ni Duterte, kinakaipuhan na magkaigwa nin konkretong plano an gobyerno tanganing matugunan an posibleng epekto kaini sa suplay nin pagkakan asin kabuhayan kan mga Pilipino.
An pahayag kan Bise Presidente kasunod kan naenot na suhestiyon ni President Ferdinand Marcos Jr. manungod sa paggamit nin mga balde.
