NAGA CITY-Ipapadagos kan Armed Forces of the Philippines(AFP) an pag-monitor sa sitwasyon sa pinag-aagawang kadagatan kabali an West Philippine Sea tanganing masierto an seguridad kan Pilipinas.
Ini kasunod kan napabareta na pagsasagibo nin drills kan sarong Russian corvette kaibanan an mga barkong pandigma kan China sa disputed waters.
Nagsagibo soboot nin drills an Pacific Fleet Sovershennyi corvette kaibanan an detachment kan People’s Liberation Army Navy warships tanganing inspeksiyunun an sarong kahina-hinalang sasakyang pandagat sa sarong joint naval patrol sa kadagatan kan Pilipinas.
Mayo man nin pigtaong detalyes kun ano an origin kan nasambitang kahina-hinalang sasakyang pandagat.
