Nangapudan an Armed Forces of the Philippines (AFP) sa mga kababayan na magin mapagmatyag asin maingat sa pagresiber nin mga impormasyon, partikular na an mga naglalakop sa manlaen-laeng plataporma kan social media.
An pangapudan na ini an obhetong protehiran an publiko gikan sa mga salang impormasyon asin tangani na masierto na an mga kahimanwa, igwa nin bastante na kaaraman tangani makagibo nin mga tamang desisyon.
An apelar kan AFP an kasabay kan anunsiyo ni Presidente Ferdinand R. Marcos Jr. dapit sa planong paglangkaw kan ‘base pay’ o basehang sahod na mareresiber kan mga Military asin Uniformed Personnel (MUP) sa laog kan masunod na tulong taon.
Ini an sarong positibong lakdang na obhetong suportaran asin pahalagahan an mga sakripisyo kan mga suldados asin iba pang uniformed personnel.
Sa sarong pulong balitaan na pigkundusir sa Kampo Aguinaldo, ipinaliwanag ni AFP Spokesperson, Colonel Francel Margareth Padilla, na an pagtatao nin ‘base pay’ sa mga MUPs an nagsusunod sa sarong legal asin man tamang proseso.
Huli man digde, maduong kinontra kan AFP an mga alegasyon asin akusasyon kan pirang grupo o personalidad na an nasambitan ng paglangkaw sa sahod an sarong klase nin ‘suhol’ o ‘reward’.
Idinagdag pa ni Colonel Padilla na bako sana si Presidente Marcos an nagpautob nin siring na klase nin umento sa sahod kan mga MUPs. Magin an mga nakalihis na Presidente kan nasyon, nagtao man kan saindang suporta sa paagi kan paglalangkaw kan sahod kan mga suldados asin uniformed personnel, sarong bagay na labi na ipinagpapasalamat kan AFP.
