Nagpatanid an Armed Forces of the Philippines (AFP) sa publiko dapit sa mga naglalakop na pekeng social media accounts na naggagamit sa pangaran ni AFP Chief of Staff General Romeo S. Brawner Jr.
Sigun sa Sandatahang Lakas, an mga social media accounts na ini an napag-araman na naggagamit nin mga ladawan asin maski ranggo kan heneral nin mayong paaram.
Makalihis kaini, pig-enkaminar kan AFP an publiko na magin malikay asin iwasan an pakikipag-koordinar o makiparte sa anuman na content na mapuon sa mga dae berepikadong mga social media accounts na ini.
Mientrastanto, inabisuhan man an publiko na bisitahon asin mag-follow sa mga beripikadong social media accounts kan Sandatahang Lakas asin magin kan saindang Public Affairs Office para sa mga tamang impormasyon na saindang kakaipuhanon.
