Pigbatikos kan Armed Forces of the Philippines (AFP) an Southern Theater Command kan China kan nakalihis na semana kasunod kan joint military exercise kan Pilipinas kaibahan an Estados Unidos asin Canada sa West Philippine Sea (WPS).
Pigtawan-duon ni AFP spokesperson Colonel Francel Padilla na an Pilipinas an dae nanghihimasok sa teritoryo kan ibang nasyon kundi ipinaglalaban sana an sadiri kaining soberanya asin teritoryo na nakapalaog sa international law.
An pahayag ni Padilla an komo kasimbagan sa mga pahayag ni Tian Junli, tagapagtaram kan Southern Theater Command kan China, na nagsabi na an Pilipinas an nagporbar na takupan an mga soboot iligal na aksiyon kaini sa rehiyon asin nagpalala sana kan tensiyon sa tahaw kan “military provocations” at “media hype.”
Sa sarong entrevista, ipinaliwanag ni Padilla, na bako soboot expansionist an mga Pinoy asin dae nangingiaram sa teritoryo kan ibang nasyon.
Pigtalakay man ni Padilla an desisyon kan Permanent Court of Arbitration kan nakalihis na taong-2026 sa mahewasang pag-angkin kan China sa WPS asin pigbisto an mga karapatan kan Pilipinas sa exclusive economic zone (EEZ) kaini.
An WPS an mga kadagatan na nakapalibot sa Kalayaan Island Group asin Bajo de Masinloc (Scarborough Shoal), asin parte ini kan EEZ kan Pilipinas.
Sa ibong na desisyon, padagos na pighurot kan China an mga karapatan kaini sa rehiyon asin pig-apod na “illegal” asin “invalid” an desisyon kan 2016 rulling.
Marurumduman kan nakalihis na Miyerkules, isinagibo kan Pilipinas, Estados Unidos, asin Canada an ika-7 Multilateral Maritime Cooperative Activity, sarong pagsanib kan military exercises na obhetong pakusogon an kooperasyon sa Southeast Asian nation’s exclusive economic zone.
Napag-araman na binaggit ni AFP Chief General Romeo Brawner Jr. na obheto kan mga pagsasanay na ini an pagpapahiling kan iribahang promesa tanganing suportaran an sarong malaya asin bukas na Indo-Pacific.
Naireport kan kan AFP an namonitor kaining presensiya kan mga lunadan kan China mantang pigsagibo an mga pagsasanay, kaibahan na an tolong barko kan People’s Liberation Army Navy, sarong oceanographic surveillance ship, asin sarong helicopter.
