AFP, nakapreparar na magtabang sa DepEd sa konstruksyon kan mga classroom sa nasyon

Nakapreparar na magtabang an Armed Forces of the Philippines (AFP) para sa konstruksyon kan mga classroom sa nasyon.

Kun saen pighahalat na sana kan ahensya an pormal na request gikan sa Department of Education (DepEd).

Kasunod ini kan nagin pahayag kan DepEd na sa AFP Corps. of Engineers, Local Government Units (LGUs), asin private sector na sana ninda itatao an 2026 fund para sa paggibo nin mga classroom.

Marurumduman na nagtao nin pagkadismaya an DepEd dapit sa nagibong classroom kan Deparment of Public Works and Highways (DPWH).

Sa target na 1,700 na classroom projects ngunyan na taon, 22 sana digde an natapos asin 882 pa an nagtitinir na under construction kan DPWH.