NAGA CITY – Padagos an AFP sa Humanitarian Assistance sa mga apektadong residente sa Albay huli sa mga aktibidades kan Bulkang Mayon.
Sa nagin paghampang sa mga kagawad kan media ni BGEN Ariel Reyes – PH Army Assistant Division Commander pigsaysay kaining pag-abot sa Humanitarian Assistance padagos an saindang pag-asigurar asin preparasyon para sa mga residentes kan Albay enkaso ini itaas sa alert level 4.
Pigbuyagyag pa ni Reyes na an Humanitarian Assitance asin Disaster Response Unit kan 9th ID nagdeploy nin 35 teams o labi 500 soldier para makatabang sa lokal na gobierno kan Albay.
Pigsierto kan nasambitan na asistensiya an pag-asigurar sa kasalbaduhan asin pagsuporta sa relief operations sa mga pamilyang apektado kan Bulkang Mayon.
Sa ibong kan Humanitarian Assitance asin Disaster Response kan 9th ID padagos man ini nagkukundusir nin security operation magin sa mga residentes na dae apektado asin padagos pa man an saindang kampanya na masugpo an insurhensiya sa Bicol Region
