NAGA CITY- Ilulunsar na kan Department of Trade and Industry (DTI) sa masunod na semana an pagpupuon kan operasyon kan Center for AI (artificial intelligence) Research (CAIR).
Ini an sarong hub na masagibo nin artificial intelligence research and development asin technology applications para sa public asin private sector.
Marurumdoman na enot na nagpasiring si Trade Secretary Alfredo Pascual sa SIngapore kaiba an iba pang opisyal kan nasyon tanganing makakua nin mga insight dapit sa patok na artificial intelligence.
An ilulunsar na Center for artificial intelligence Research hub an makakatabang sa manlaen-laen na sektor huli ta ini an ma-alok nin consultancy services, AI technology support, investment, asin kadakol nin mga trabaho.
Pupwede ining magamit kan mga government agencies, researchers, mga unibersidad, small and medium enterprises, multinational companies, asin iba pa.
Sigun ki Sec. Pascual, mawot nindang magamit an transformative power kan AI tanganing mapakusog an economic growth sa Pilipinas, mapagayon an serbisyo publiko, asin magin globally competitive an Pilipinas sa lado kan artificial intelligence.
