Pigsierto ni House Appropriations Committee Chair asin Ako Bicol Party-list Rep. Zaldy Co na an Ayuda para sa Kapos ang Kita Program (AKAP) sarong proyekto para sa mga Pilipinong igwang trabaho alagad nagtitinir na masakit, malinig asin mayong bahid nin katiwalian.
Sa sarong entrevista, pigtawan-duon ni Co na an AKAP bakong pork barrel huli ta an Department of Social Welfare and Development (DSWD) an nagkakapot nin pondo asin nag-aaram kan mga benipisyaryo.
Hurot pa ni Co na ini an zero-percent corruption. Diretso ini sa tawo asin DSWD an namamayo.
Ipigheras ni Co na nabilog an AKAP gikan sa mga hinaing kan mga minimum-wage earners siring kan food service crew asin Grab drivers, na dae kwalipikado sa Pantawid Pamilyang Pilipino Program (4Ps).
Soboot, mahihigos na obrero na haros dae na makapagpahingalo, alagad nagtitinir kapos huli sa naglalangkaw na presyo kan barakalon.
An AKAP, na pigpuonan kan nakalihis na taong-2024 sa irarom kan liderato ni House Speaker Martin Romualdez, an igwang budget na P26 bilyon para sa 2025.
Sa enot na taon na ini, haros limang milyong Pilipino an nakaresebir nin tabang na P5,000 lambang pamilya.
Pigtawab-duon ni Co na mawot kaining ipadagos an AKAP dawa tapos na an saiyang termino asin sabay duon na kaipuhan an political will tanganing mamantinir an mga programang sirining kaini.
