NAGA CITY-Pigsambit ni Senate Committee on Women Chairwoman Senadora Risa Hontiveros na karapat-dapat sana an aksyon kan Office of the Solicitor General na ipakanselar an birth certificate ni suspended Bamban Mayor Alice Guo.
Sigun ki Hontiveros, dagusan nang nakorner si Guo manunungod sa saiyang pag-aabuso sa late registration kan birth certificate kaya kun ini soboot an alkalde, mas maray pang mag-kalas na ini asin ilantad an mga nasa likod kan dakulang scam enterprise sa Tarlac.
Pigpayuhan pa kaini an alkalde na magtaram na makalihis na magsunad an OSG nin petisyon para sa kanselasyon kan saiyang certificate of live birth.
Mientrastanto, pigduon pa kan senadora na maghampang na sa masunod na pagdangog si Guo asin magpakatotoo na.
Napatotoohan man soboot sa imbestigasyon kan Senado na puon pa sana na iregular an birth certificate kaini.
Marurumdumang pigsayumahan ni Guo sa nakalihis na pagdangog an imbitasyon kan Senado huli soboot sa labing stress asin anxiety na saiyang namatean huli sa mga mayo soboot nin basehang alegasyon laban saiya.
