NAGA CITY – Pigpapatutukan kan Alkalde kan siyudad nin Naga an kaso kan Divinagracia sister hasta sa makua an hustisya.
Sa nagin paghampang sa mga kagawad kan media ni Naga City Mayor Leni Robredo sinaysay kaini na an mga murder weapons nakua sa scene mismo kan insidente magin an pigkukurahaw sa CCTV kan biktima pangaran kan suspek kun kaya mas nagdadakula an posibilidad na iyo ini an nagibo kan krimen.
Pigtawan duon man kan alkalde na dakol naman pigpuonan na lakdang tanganing dae na mautro an krimen saro na diyan an BANGKAT ini an Bantay Kataid huli ta an mga Barangay sinasabi na epektibo ini kaidto.
Sa lakdang na ini kaipuhan an kooperasyon kan mga komunidad tanganing mas marekas na ma identify an mga lugar na madidiklom tanganing malaagan nin ilaw.
Siring man sa pinangyarihan kan krimen pigpapacheck kun na turn over na sa City tanganing pupwede na magpalaag nin ilaw huli ta madiklom talaga an nasambitan ng lugar.
Asin bako sana iyan huli ta dakol pang madiklom na lugar sa siyudad nin Naga asin ngunyan kapapasar pa sana kan Ordinansa sa CCTV huli ta mas labi an realization kun gurano ka importante an CCTV enkaso igwang mga nangyayaring krimen.
Sa ngunyan an kasong ini maduon na pigtutukan huli ta kamawotan kan Alkalde na dae soboot madismiss an kaso kaya pighihiling kan Police Station 2 na gabos na protocol nasusunod tanganing enkaso nag file nin kaso dae na madismiss ini.
Dugang pa kan alkalde na dae mauntok an kaso hasta sa dae nakukua an hustisya.
