NAGA CITY- Pigsaysay kan alkade sa siyudad nin Naga na dae soboot maraot na magtabang sa iba orog na sa panahon kan kalamidad.
Sa nagin paghampang sa mga kagawad kan media ni Naga City Mayor Nelson Legacion, sinaysay kaini na dae soboot kaini naiintindihan kun tano pigbabatikos kan iba an kamawotan na magtabang sa mga nangangaipuhan.
Sigun pa ki Legacion, kaipuhan na magtarabangan sa panahon kan kadipisilan orog na sa nakalihis na panlalamasa ni Bagyong Pepito siring kan Catanduanes.
Katakod kaini, preparado soboot magtaong tabang an opisyal sa mga residentes na naapektaran sa may parte kan Catanduanes orog na ta kan mangaipuhan man an Naga yaon an pagtabang kan ibang mga lokal na gobierno siring kan Sorsorogon.
Komo sarong tawo, dapat soboot na magkaigwa nin pagkusa sa pagtabang sa mga naapektaran nin huli ta ini an marhay na gibuhon.
Sa ngunyan, hagad na sana kan alkalde an pag-iintindi kan gabos sa panahon kan pangangaipuhan.
