PINANGENOTAN ni Naga City Mayor Leni Robredo an pagkomemorar kan ika-40 anibersaryo kan EDSA People Power Revolution sa syudad. Sa nagin patara-tara kan opisyal, ngunyan na pigkokomemorar an importanteng okasyon, tinawang-duon kaini na importante an “pag-aksiyon” sa mga sararadit na detalye kan buhay bako sana kan sarong opisyal kundi kan lambang indibidwal tanganing padikit-dikit magkaigwa nin progreso an nasyon.
Sa privilege speech pa kan opisyal, namumundo soboot ini sa mga panahon ngunyan, nin huli ta nagkalat na sa Social Media an manlain-lain na trolls, SocMed army, riribayan nin mararaot na akusasyon, asin kadakol na an fake news o disinformation.
Kung kaya pig-enkaminar kaini an gabos na labanan an siring kaiyan na mga bagay huli ta iyan an makakaimpluwensiya sa opinyon asin isipan kan lambang indibidwal na nagdadara nin propaganda.
Dugang pa kan opisyal, dae na suboot na mag-arog pa sa daeng datang pinapahiling kan mga tawo o grupo sa luwas kan siyudad kundi magatarabangan na pauswagon an Naga City.
Sigun pa sa opisyal, enot niya ng sinabihan an iba pang mga opisyal sa syudad na magtindog o lumaban para sa “good governance” tanganing mainkaminar an gabos na tawo sa Naga na magkaigwa nin pakiaram para sa pag-uswag.
Sa ibong na lado, igwa nin pig-tintaan na pigpasar kan Sangguniang Panlunsod na resolusyon an alkalde kasuudma. An nasambitan ng resolution, si konsehal Areiz Macaraig na nagsasabing an Pebrero 25 bako na sanang selebrasyon kan EDSA Revolution digdi sa Naga, kundi iyo man soboot ini an pag-promotir kan “Anti-Political Dynasty Day” tanganing mamantinir an good governance sa enterong syudad nin Naga.
