Nagluwas nin public apology an sarong alkalde gikan sa Visayas na nag-share nin salang impormasyon na binawian na nin buhay si Pope Francis.
Sa mensaheng iniluwas ni Lapu-Lapu City Mayor Junard Chan sa saiyang facebook page, naghagad ini nin tawad huli sa pagkaka-post sa salang impormasyon na igwang petsang February 23, 2025 kun saen nakasaysay na binawian na nin buhay an Santo Papa gayong padagos pa ining naglalaban.
Sigun sa alkalde, naiintindihan kaini an pagkahadit asin kalituhan na posibleng dara kan nasambitan ng post, kaibahan na an posibleng anggot na namatean kan Roman Catholic community.
Naghagad man ini nin despensa sa mga posibleng nagtubod sa salang impormasyon.
