Kinumpirmar kan Department of Justice (DOJ) na pigsunadan nin patong-patong na kaso an negosyanteng si Atong Ang asin kaibahan kaini huli sa pagkaka-imbwwelto sa mga nawawarang sabungero.
Sinaysay ni DOJ Secretary Crispin Remulla, na an mismong kaparientes kan mga biktima kan mga nawawarang sabungero an nagsunad kan kasong multiple murder asin serious illegal detention.
Kaiba man na kinasuhan an actress na si Gretchen Barretto asin iba pa.
Dugang kan sekretaryo na malinaw na igwang mayor na saksi asin man testigo na nagpapatunay na imbwelto si Ang.
Pig-omaw man ni Remulla an whistlelower na si Julie “Dondon” Patidongan huli sa tapang kaini na ibunyag an mga nasa likod kan mga nawawarang sabungero.
Pigkokonsiderar ni Remulla si Ang an “main player” sa kaso orog na ta ini an nagin amo ni Patidongan.
Nasisiguro man ni Remulla na igwang patas sa pagdangog sa kaso tangani magkaigwa nin tamang pagresolbar sa kaso.
