NAGA CITY – Apektado an attendance kan mga estudyante sa Gainza National High School sa banwaan nin Gainza, Camarines Sur huli man sa influenza-like illness.
Sa entrevista kan Bombo Radyo Naga ki Jene I. Togño- Maestro, Gainza National High School, sinaysay kaini na kadakol soboot na kaso kan nasambitan ng helang an nairerehistro sa sainda man na eskwelahan bako sana sa mga estudyante magin man sa mga paratukdo.
Dugang pa kaini sa lado kan mga estudyante haros soboot kabanga kan klase an nakakaesksperyensiya nin trangkaso kaya man kadikit an mga naglalaog asin apektado an saindang attendance.
Katakod man kan padagos na namamatean kan saindang mga estudyante, saro soboot sa mga lakdang na saindang ipigsagibo iyo an pagkakaigwa nin koordinasyon sa sainda man na school clinic asin school nurse designate na impormaran an mga kaakian na dapat pirming hydrated, magdara nin sadiring tumbler asin dae maki-share sa iba, asin man proper hygiene siring kan pirming paghugas nin kamot gamit man an sabon asin malinig na tubig.
Apwera digde, pirmi man nindang pigkukumusta an kamugtakan kan mga estudyante kun saen pig-aabisuhan ninda an mga ini kun igwa ng malain na namamate, dae na man soboot maglaog sa klase.
Pigheras pa ni Togño an nagkapirang sintomas na namamatean kan saindang mga estudyante siring na sana kan pagkulog kan likod, tagiliran, magin man an pagkulog kan mga takyag, asin an pagkulog nin payo o headache.
Sa ngunyan pangapodan na sana kan maestro orog na sa mga magurang kan saindang mga estudyante na pirming i-monitor an salud kan saindang mga aki, asin kun igwa na ining sintomas kan nasambitan ng helang dae na soboot ini pagpalaugon sa eskwelahan tangani man na malikayan an paghawa sa iba kaining kaklase.
