Pigkumpirmar ngunyan na Sabado, Disyembre 20 ni Philippine National Police Public Information Office chief Police Brigadier General Randulf Tuaño na nakatalaan na iluwas ngunyan na aldaw an resulta kan autopsy kan binawian nin buhay na si dating DPWH USec. Catalina Cabral.
Alagad piglinaw kan PNP official na mayong pigsagibong DNA test kan pigsairarom sa autopsy an hawak kan dating opisyal.
Marurumduman, naenot nang pigtutulan kan pamilya ni dating DPWH official an pagsasairarom kan labi sa autopsy, alagad kalaunan pigtugutan man ninda ini.
Si Cabral saro sa importanteng personalidad na pigdawit sa mahewasang corruption scandal katakod sa flood control projects sa Bulacan.
Nadukayan na mayo na nin buhay si Cabral makalihis soboot mahulog sa sarong bangin harani sa Bued River sa may Kennon Road sa Tuba, Benguet banggi kan Huwebes, Disyembre 18.
