Pigsierto kan Philippine National Police (PNP) na dae na kaipuhan na magbilog nin bagong manhunt team ngani na masusog si Senador Ronald dela Rosa na padagos pa suboot pighahanap kan mga awtoridad.
Segun ki PNP Chief Gen. Jose Melencio Nartatez Jr., igwa na nin mga operational units na padagos na naghahanap sa senador, kun kaya dae na kaipuhan an dagdag na manhunt teams.
Idinagdag pa kan PNP na padagos nindang pigrerepaso an gabos na posibleng impormasyon manungod sa kinamumugtakan kan senador, kabale na an saiyang mga aram na address, contacts, asin mga lugar na pirming pigdudumanan.
Segun sa pulis, aktibong pig-iimbestigaran ninda an gabos na posibleng lead.
Pig-eksplikar kan hepe kan Pulisya na isinumitir na ninda sa Department of Justice (DOJ) an gabos nindang records asin resulta kan saindang imbestigasyon puon kan pagtinir ni Dela Rosa sa Senado kan Mayo 12 hasta sa pagdulag kaini sa mga awtoridad poco mas o menos alas 2:30 nin maagahon kan Mayo 14.
