Aram baya nindo mga ka-bombo, an Australian bodybuilder naipuli an Guinness World Record kan makumpleto kaini an 733 pull-ups sa laog nin sarong oras.
Binisto an babae na si Jade Henderson, 32-anyos kun saen igwa ining averaged na labi 12 pull-ups kada minuto tanganing mapasa an presenteng record na 725 na nagibo man kan saiyang kababayan na si Eva Clarke kan 2016.
Sigun ki Henderson, nagpuon ining mag-training nin pull up para sa world record komo challenge sa saiyang kakayanan.
Dugang pa kan atleta, an inisyal na plano kaini iyo an 24-hour version kan record, alagad huli sa injury kaya kinaipuhan na baguhon.
Sa huri, pinili ni Henderson an sarong oras na record tanganing malikayan an pagbungkaras pa kan panibagong injuries.
Sa ngunyan, nagpasalamat na sana ini sa Guinness World Record para sa nasambitan ng pagbisto.
